بسم الله الرحمن الرحيم
السلام عليكم ورحمة الله وبركاته
أخباركم ياالمحششين << ترى مو لازم تكونون بخير أهم شيء وزير التحشيش يكون بخير << اللي هو أنا ولا فخر < هع هع
<< بينجلد
طيب خلوكم مني ومن إنجازاتي الخياليه في مشارق الأرض ومغاربها وتعالو أقول لكم سر إختراع البلاك بيري<<ماودى العالم في ستين داهيه إلا أسرارك
في يوم السبت ليلة الثلاثاء عصر الخميس كانت الساعه
20 ،3
بتوقيت غرنتش
كنت جالس في مكتبي بعد ما أستلمت مقاليد الحكم في وزارة التحشيش
كنت مستانس حدي وأطلقت العنان لتفكيري في حبيبة دمي <<متعوب عليها
شوي ويدخل علي واحد حاز على جائزة نوبل للدلاخه
قلت له : وش عنده آل كميخان داخل علي لا إحم ولا دستور ؟؟
<<عرفتوه ألي مايعرفه يروح لموضوع البلاك بيري وبلاويه
قالي : تكفى يا واااثق تكفى نخيتك وأنا عارف إني ما نخيت رخوم
قلت له : أفااا عليك أنت آمر وأنا أطامر
قال لي أبيك تاخذ لي حقي من مختبص هالمجنون عندكم شوه صورتي
قلت له : أنت قلت أنه مجنون يعني مرفوع عنه القلم لا تاخذ على كلامه
فانبطح على الأرض وصار يرافس بأراجيله وأياديه تقول خروف بينحرونه للعيد
وصار يصارخ ويقول: خلاص قول للعالم سالفتي عشان يعرفون إني مسكين
وصار يترجاني وأنا أقول له يارجال دام الله ساتر عليك لا تفضح نفسك وهو يقول لي : لا لا خلاص مودا تقول ألآي فون أحسن مني
ومختبص أهان كرامتي
قررت إني أشوف كلام مختبص عن المدعو:
بلاك بيري بن محسن آل كميخان
وبعد بحث طويل لقيت دليل إدانة مختبص بكلامه الآتي :
لاحظت في الآونه الأخيره شبابنا وبناتنا اللذين في عمر الزهور قد استدلخوا وهذه الدلاخه في نمو مستمر بسبب المدعوا بلاك بيري بن محسن آل كميخان وقال أيضا" أنه يستخدم في التعارف ولا تهون المغازله
في النهايه رحمته وقلت له خلاص أنا بقول للعالم قصتك
في عام 2009
كان نمر بن عدوان يحب زوجته وضحى حبا" جما <
متعوووب عليها
وكل يوم يزيد
حبه لها أضعاف
مضاعفه وهي كانت تحبه حبا
لا حدود له
المهم استمرهذا الحب لمدة سنوات وسنوات وسنوات إلى أن جاء يوم أسود لاشمس فيه ولا قمر < صاير شاعر
وضحى حامل
أكيد هذا الخبر فرح نمر ووضحى
ومرت الأيام والشهور << 9 أشهر
على هالطاري :
فيه محشش قالوا له في اليابان كل ساعه ينولد واحد
قال المحشش يلعن أبو التطور إحنا عندنا كل 9 أشهر ينولد واحد
<< هع هع
نرجع لوتر حديثنا << متأثر بالرياضيات والخيام
وضحى جابت ولد وكان لايقل عن ابيه في الجمال
<< أفلقني قال جمال قال
وضحى صارت تهتم في ولدها وتركت نمر يعاني لحاله مسكين ماحد يأكله ولا يلبسه ولا ينومه ......
ومرت الأيام ونمر على حاله لين جاء يوم أجتمع فيه رجال القبيله بيحطون حد لهالمهزله اللي صارت < نمر صاك على روحه في البيت ولا صار يطلع مع الرجال لقطع الطرق
والإغاره على القبايل الثانيه
المهم يوم أجتمعوا وعرفوا سر تغير نمر
قال الشايب < حكيم القبيله
< عندي أمل لغاب يعود
لقيت لك حل يا نمر يخلي وضحى تهتم فيك أكثر من أول
نمر ما صدق خبر ونقز نقزه طيحت الخيمه على رؤوس القبيله <هع هع
وقال : داخلن على الله ثم عليك ياعم علمني وش الحل
قال < عندي أمل لغاب يعود : المره وأنا عمك
قال نمر : لا يا عمي تكفى أنا غير وضحى ماريد
صفقه < عندي أمل صفقه أخلت بدماغه وقال : يالأثول ما يكسر خشم المره إلا مره مثلها
تدخل الدكتور مستحيل وقال : إيه يا عمي بس المره الثانيه إذا جا يكسر خشمها لازم يتزوج الثالثه والثالثه لازم يتزوج عليها الرابعه والرابعه لازم يتزوج عليها ........
قطع عليه كلامه إنسان ثاني وقال : ياالدلخ الشرع محلل أربع بس
نط غرشوب في وسط السالفه وقال : أنا لقيت الحل
مالك إلا البلاك بيري
قام بو جاسم وقال وش بلاك يالخبل تبيه يسكت على بلواه
قام غرشوب وقال :خخخ
لا ياالأجودي هذا آله تستخدم للتعارف ولا تهون المغازله عند الغدير
أخذ بو عبدالله زبيريته وأطلقها على غرشوب في سرعه 750 هيرتز
وقال له : أطلع يا قليل الخاتمه
خرج غرشوب وهو يحترق من القهر كيف ينطرد كذا قدام عضوات الحاره ؟؟
لحقه نمر يترجاه أنه يعطيه البلاك
غرشوب عطاه البلاك بيري بعد ما علمه كيف يستخدمه
مرت الأيام ونمر أنعكف على البلاك ونسى وضحى واللي خلفوها
وصار يمشي في الشوارع ويقطع أبو الإشارات ولا همه لا ساهر ولانايم < خخخ
والسيارات يضربون بوري < هرن وهو ولا همه
ومره كان يمشي عند عماره كانت تنبني وطاحت عليه بلوكه وهو ولا حاس
طول وقته عينه على البلاك بيري
البلاك : يعني بلوك
بيري :بوري بس البدو يقولون بيري
بإختصار معنى البلاك بيري :
لو تطيح عليك بلوكه أو عماره ولو تضرب لك السياره بوري أو تدعسك ماراح تنتبه دام ربي بلاك بالبلاك بيري <بلاك =بالك
بيري = يريب
البلاك : يريب بالك
وهذا بلا أبوك يا
عقاب
نرجع لوضحى
اللي صادتها أوم العبيد بعد ما سحب عليها نمر
كانت جالسه مع بنات قبيلتها ومسوين مؤتمر الشر
ملوحه حزنت للحاله اللي وصلت لها وضحى وقالت لها : علامك ياوخيه كله رجال لا راح ولا جا
قالت أم العيال:
ملوحه المره مالها إلا بيت جوزها ولازم تراضيه
وضحى :أهئ أهئ نمر نساني
...
...
...
بعد مساعدات من موج الخبر ومس شطحه و
Fofo وأخريات لا تحضرني أسمائهن
توصلن إلى حل خنفشاري
راحت أنثى خارج التغطيه لغرشوب بعد ما عرفت أنه هو سبب البلاوي
فشكت له حال وضحى
فعطاها البي بي
وقال عطيه وضحى وعلمها كيف تستخدمه
فلهت بهذا البي بي ونست نمر وأبو نمر وجد جد اللي خلفوه
وصار أكلها وشربها ونومها وروحتها وجيتها وكل ما يخص شؤون حياتها مع البي بي
في الختام :
البلاك بيري كان قصده شريف
يبي يقرب بين نمر ووضحى لكن للأسف كل واحد نسى الثاني
ومن زرع حصد
وهذا بلى أبوك ياعقاب
حكمه:
الوقت كالخشبه إن لم تحرقها جلدتك
فاللي عنده بلاك بيري يا يستخدمه زي الناس وإلا يرتاح عند أمه
عارف إني طولت عليكم وغصب عنكم تتحملوني << أمووون
ما يستفاد من الحكايه:
البلاك بيري له أضرار كما له مفاسد
فمن أضراره أنه يخلي بالك وعقلك دايم في شك وريب
ومن مفاسده التقريب بين الأمم والشعوب
أي تطور في العالم إعرفوا إني أنا وراه < لايكثر بس
إذا سحبت عليك حبيبتك أتبع المثل إزحف للدنيا تزحف لك
وأخيرا"
العلم نور والجهل ظلام
الرئيسية
أحدث الصور
الثلاثاء 16 أبريل 2024, 3:21 pm 
موضوع: قصة إختراع البلاك بيري برعاية وزارة التحشيش 
الأربعاء 23 مارس 2011, 6:41 pm
