فتة اللحم الضانى بالصلصة والتقلية


تعالوا مع بعض نشوف طريقة الفتة الجميلة اللى كلنا بنحبها… هنعملها باللحم الضانى والتقلية… طعمها رااائع … يلا تعالى استعدى معايا لعمل أكلة العزومات ولمة العائلة بأحلى الأطباق

المقادير :
الفتة:
كيلو ونصف لحمة “ضاني أو بتلو”


2 ثمرة جزر مُقشر مُقطع حلقات
2 عود كرفس مُقطع مكعبات
2 بصلة متوسط مُقطع مكعبات
2 كوب أرز
6 أكواب ماء
2 ورق لاورا
2 فص مستكة
4 حبات قرنفل صحيح
عيش محمص مكسر

مقادير التقلية:
6 ملعقة كبيرة زيت زيتون
6 فص ثوم مفروم ناعم
4/ 1 كوب خل
كوب شوربة لحمة

الصلصة:
3 ملعقة كبيرة صلصة طماطم (معجون)
1/ 4 كوب خل
كوب شوربة لحمة

[[ندعوك للتسجيل في المنتدى أو التعريف بنفسك لمعاينة هذه الصورة][/

طريقة التحضير:
1- اغسلي اللحمة كويس، وحطّيها لمدة 3 دقائق في ماء مغلي بحيث يُغطيها، وبعد كده ارفعيها من المية، وبعد كده اغسلي الأرز كويس وصفيه من المية بتاعته.

2- سخّني الماء في إناء على نار متوسّطة، وضيفي إليها اللحمة والخضار والبهارات والملح والفلفل.

3- أول ما المية تبدأ في الغليان، قللي درجة الحرارة، وسيبي اللحمة على النار لمدة 45 دقيقة، لغاية ما اللحمة تستوي تماماً، مع مراعاة إزالة الريم من سطح الشوربة كل ما يظهر، وأول ما اللحمة تستوي طلّعيها من الشوربة، وصفّي الشوربة كويس.

4- حطّي السمنة في إناء آخر على نار متوسطة، وحمّري الأرز لمدة 3 دقائق أو لغاية ما يتشرّب تماماً بالسمنة، وبعد كده ضيفي كوبين ونصف مية، وممكن تخلطي المية مع الشوربة، وتبّليه بشوية ملح، وسيبيه على النار لغاية ما يبدأ في الغليان، وبعد كده قلّلي النار، وغطّي الإناء وسيبيه لمدة 20 دقيقة أو لغاية ما تتأكّدي إنه استوى تماماً.

5- لتحضير التقلية، سخّني الزيت في طاسة على نار متوسطة، وبعد كده ضيفي عليه الثوم المفروم، وقلّبيه لمدة دقيقتين أو لغاية لونه ما يبقى ذهبي، وبعد كده شيلي نصف كمية الثوم دي على جنب، وضيفي الخل والشوربة وشوية ملح وفلفل على باقي الخليط اللي في الطاسة، وسيبيهم لغاية ما يغلوا، وبعد كده شيلي الخليط من على النار.

6- حطّي نصف كمية الثوم اللي شلتيها من التقلية في طاسة على نار متوسطة، وبعد كده ضيفي عليه صلصة الطماطم والخل والشوربة وملح وفلفل مع التقليب، وبعد كده سيبي الخليط لغاية ما يبدأ في الغليان، وبعد كده قلّلي درجة الحرارة وسيبيه لمدة 10 دقائق علشان الصلصة تتسبّك.

7- هاتي طبق التقديم وحطي فيه العيش المحمّص، وبعد كده رشّي عليه كمية صغيرة من التقلية اللي عملتيها، وسيبيه لمدة دقيقتين؛ علشان العيش يتشرّب منها، وبعد كده حطي طبقة من الأرز فوق العيش، وصبي عليه كوب شوربة، وبعد كده وزّعي قطع اللحمة فوق الوش، وآخر حاجة هتعمليها إنك تصبي صلصة الطماطم على حسب الكمية اللي إنتِ عايزاها

وبالصحة والهنا….

توقيع : Ramy Osman

توقيع : sh_shimaa

سلمت الانامل الذهبيه

لما خطته لنا من عبارات

وحروف قمه في الجمال

وروعة الاحساس الصادق

دمتِ بود [ندعوك للتسجيل في المنتدى أو التعريف بنفسك لمعاينة هذه الصورة]

توقيع : ѕαα∂ ∂єѕιgη

توقيع : Abdulaziz