سأتغير حتى تنصر الامه

زعلانة على اللي بيحصل حوالينا ؟
بتسمعي وتشوفي اللي بيحصل للمسلمين في سوريا وبورما وافريقيا الوسطى ومالي ونيجيريا وغيرهم وغيرهم ؟
بكيتي علشانهم ؟
دعيتي ليهم ؟
وبعدين ؟

عمالة تنقدي في كل اللي حواليكي وتقولي الناس اتغيرت ليه ؟
ليه أخلاقيات الاسلام غايبة ؟
ليه الناس متغيرش نفسها وترجع لدينها ؟
وبعدين ؟

ايه اللي هيحصل والتغيير هيجي امتى ؟

[ندعوك للتسجيل في المنتدى أو التعريف بنفسك لمعاينة هذه الصورة]

السر كله في قوله تعالى : ( إن الله لا يغير ما بقوم حتى يغيروا ما بأنفسهم )
ومعناها أنه سبحانه وتعالى لا يسلب قوما نعمة أنعمها عليهم حتى يغيروا ما كانوا عليه من الطاعة والعمل الصالح
وبين هذا المعنى في مواضع أخر كقوله : ( ذلك بأن الله لم يك مغيرا نعمة أنعمها على قوم حتى يغيروا ما بأنفسهم )

وقوله : (

وما أصابكم من مصيبة فبما كسبت أيديكم ويعفو عن كثير )

[b][ندعوك للتسجيل في المنتدى أو التعريف بنفسك لمعاينة هذه الصورة][/b]

طيب أين أنت من كل هذا ؟

مستنية كل اللي حواليكي يتغير ؟
طيب وانتي دورك إيه ؟
تتفرجي على الدنيا وتشوفي هنوصل لإيه؟
أكيد لأه

يبقى بالمختصر المفيد
لاتقولي أريد أن تتغير الأمة بل قولي أريد أن أتغير حتى تتغير الأمة

مش هتقدري تغيري اللي حواليكي إلا لما تغيري من نفسك

[b]ووقتها تقدري تغيري من غيرك [/b]
[b]فالصحابة رضوان الله عليهم تغيروا فغيروا[/b]

إذن ابدئي بنفسك

وخلي شعارك

كن أنت المسلم الذي تود دوما أن تقابله

[b][ندعوك للتسجيل في المنتدى أو التعريف بنفسك لمعاينة هذه الصورة][/b]

هتتغير الأمة ازاي

وانتي مش محافظة على الصلاة والفرائض
مش محجبة او بتتضحكي على نفسك ولابسه ملابس ملهاش علاقة بالحجاب
ماشية و10 كيلو مكياج ولا حتى جرام واحد والعطر مغرقك
مش قادرة تبعدي عن المعصية اللي بتعمليها

قلبك معلق بالأغاني والممثلين والممثلات والمغنيين والمغنيات

بتتهمي الناس وتنقلي كلام عنهم بدون بينة

[b][b][b]بتؤذي جارتك [/b][/b][/b]
بترمي القمامة في الشارع
بتاخدي رشوة في الشغل بمسمى إكرامية
بتاخدي هدايا من اللي بيشتغلوا تحت ايدك في الشغل
بتاخدي دور غيرك وانتي واقفة في الطابور

[b][b]وياترى كام مرة والدك او والدتك ناموا وهم غاضبين منك ؟[/b][/b][b]
وغيره وغيره وغيره
لو صفينا أعمالنا بمصفاة الشرع والأخلاق الإسلامية لن ينجوا إلا من رحم ربي [/b]

[ندعوك للتسجيل في المنتدى أو التعريف بنفسك لمعاينة هذه الصورة]

يبقى كده متفقين إن حالنا مش هيتغير الا لما احنا نتغير

طيب هنتغير امتى ؟
لسه شوية
لما أكبر
من بداية الأسبوع أحسن
لأه نخليها بداية الشهر

ويجي أول الأسبوع وأول الشهر وأول السنة ومفيش تغيير
ويبقى التسويف مشكلتنا الكبرى في التغيير
سوف أتغير
ويكون التغيير أصعب وأصعب في كل يوم بيعدي من غير تغيير

هاتي ورقة واحرقيها واول ما تحرقيها انفخي في النار هتلاقيها انطفت بسرعة
هاتي ورقة تانية واحرقيها بس استني شوية وحاول تطفيها هتلاقيها انطفت بصعوبة وأخدت وقت أطول

وهكذا كل ما أخرتي من تغيير نفسك أصبح التغيير أصعب

هتقولي صعب أنا بقالي 10 سنين متعودة على الأغاني وصعب اسيبها
لو استنيتي لغاية 15 سنة هيبقى أصعب

أنا بقالي 20 سنة عصبية وصعب أغير طبعي
لو فضلتي لغاية 30 سنة هيبقى اصعب

ابدئي فورا في التغيير

[ندعوك للتسجيل في المنتدى أو التعريف بنفسك لمعاينة هذه الصورة]

عندما كنا نملك الاندلس قبل مئات السنين اراد البرتغال احتلالها منا
فارسلوا جاسوسا ليجلب لهم اخبار المسلمين في الاندلس
فذهب الجاسوس ووجد رجلين يتخاصمان ففرح وذهب اليهما قال لهما ما بكما فقالا له
نحن نتنافس اياً منا سوف يحفظ صحيح البخاري قبل الاخر فرجع الجاسوس وحكى لهم
فقالوا اذا الان لانستطيع ان نهزم المسلمين

وبعد عدة سنين ارسلوا جاسوس اخر فوجد رجال يختصمون ففرج ذهب اليهم واذا هم يتناقشون في علوم الرياضيات والفيزياء
فرجع الجاسوس واخبرهم فقالوا لا نستطيع ان نهزم المسلمين الان

وبعد عدة سنين ارسلوا جاسوس اخر فوجد شابان يختصمان فذهب فاذا بالشابان يختصمان من اجل فتاة اياً منهم سوف يصاحبها قبل الاخر فرجع الجاسوس واخبرهم فقالوا اليوم نستطيع ان نهزم المسلميين
وماهي الا كم سنة وُطرد المسلمين من الاندلس
اااااااااااااااااااه

اعدائنا فهموا ما لم نفهمه نحن اعدائنا فهموا مقولة عمر بن الخطاب
((نحن قوم اعزنا الله بالاسلام فاذا ابتغينا العزة في غيره اذلنا الله))

[ندعوك للتسجيل في المنتدى أو التعريف بنفسك لمعاينة هذه الصورة]

فلا تكوني السبب في خذلان أمتك وضعف المسلمين
حال المسلمين في كل مكان لن ينصلح إلا إذا انصلح حالنا وبدأنا بأنفسنا
واعلمي أنه ببعدك عن دينك وحبك للدنيا ونسيان الآخرة فأنتي سبب مباشر في هزيمة المسلمين

[ندعوك للتسجيل في المنتدى أو التعريف بنفسك لمعاينة هذه الصورة]

اللهم انصر الإسلام واعز المسلمين
اللهم ابرم لهذه الأمة أمر رشد يُعز فيه أهل طاعتك ويُهدى فيه أهل معصيتك ويؤمر فيه بالمعروف وينهى فيه عن المنكر

[ندعوك للتسجيل في المنتدى أو التعريف بنفسك لمعاينة هذه الصورة]
م ن ق و ل

توقيع : أميرة الواحة

بـارك الله فيـك ونفـع بـك
وجـزاك الله خيـر الجـزاء
علـى حسـن الإختيـار والطـرح المفيـد
فـي إنتظـار المزيـد
تقبـل الله منـا ومنكـم صالـح الاعمـال

توقيع : منصـورة

سلمت الانامل الذهبيه

لما خطته لنا من عبارات

وحروف قمه في الجمال

وروعة الاحساس الصادق

دمتِ بود [ندعوك للتسجيل في المنتدى أو التعريف بنفسك لمعاينة هذه الصورة]

توقيع : ѕαα∂ ∂єѕιgη