حرق الدهون وليس العضلات
حرق دهون البطن مع الحفاظ علي الكتلة العضلية
طرق حرق دهون الجسم والحفاظ علي العضلات



ده موضوع شامل عن ازاي احرق الدهون واحافظ علي العضلات , فكك من اي حاجه سمعتها قبل كده , الكلام الي هتشوفه ده عن دراسه , وعن تجارب ,[ندعوك للتسجيل في المنتدى أو التعريف بنفسك لمعاينة هذه الصورة]

انقاص الوزن بشكل سريع مشكله كبيره , ازاي ياكوتش يعني اخس واحده واحده ؟

لا يعني تشغل دماغك , لان انقاص الوزن بشكل سريع , بينتج عنه نقص كبير في الانسجه العضليه , ونقص مستوي السوائل في الجسم , وخد عندك يا نجم , تقليل قدره الجسم علي استهلاك الاكسجين بنسبه تصل الي 10 في الميه , وطبعا مستوي القوه والتحمل هينخفض ومش هتقدر تتمرن , يادين امى كل ده ياكوتش

طب انا اعمل ايه مش فاهم ؟؟

انت هتخس والدنيا هتبقي حلوه متقلقش بس اهم حاجه تشغل دماغك , انت متخنتش في يوم وليله يعني مش هتخس في يوم وليلة , تمام ؟
والنسبه الطبيعيه لفقد الدهون في الاسبوع هي من نص كيلو ل كيلو , غير كده انت ماشي غلط , انت ممكن تبقي فرحان نزلت 5 كيلو في اسبوع , بس الي متعرفهوش ان النسبه ديه مش دهون بس , لا ديه دهون وعضلات وسوائل ,, !

بوص هتخس عن طريق تقليل كميه السعرات الحراريه الي هتحصل عليها بنسبه لا تزيد عن 15 في المية , وبكده هتخسر فقط الانسجه الدهنيه وانخفاض معدل الايض الاساسي , وطبعا زياده الكتله العضليه , لان زياده الكتله العضليه مهم جدا لزياده معدل الايض , وده هيساعد في حرق الدهون

نيجي لنقطه مهمه جدا وهي الكاربوهيدرات , تدخل الجيم تقول للكابتن عايز اخس , يقولك امنع الكاربوهيدرات طبعا الكلام ده خطير جدا ومفيش حاجه اسمها امنع الكاربوهيدرات , انت بس هتقلل الكاربوهيدرات بنسبه بسيطه , وهتبقي بنسبه 60 في الميه من نظامك الغذائي , وطبعا الكاربوهيدرات النضيفه , (اتكلمت عنها قبل كده )

نيجي للبروتين , البروتين هيبقي , 1.6 جرام لكل كيلو جرام من وزن الجسم وده علشان تعوض الي فقدته من الانسجه الغير دهنية , يعني لو انت وزنك 90 كيلو جرام , هتضرب , 1.6 في 90 , هيطلعلك كميه البروتين الي انت محتاجها في اليوم , اليسطا كده ؟

نيجي للكبير اووي , الدهون [ندعوك للتسجيل في المنتدى أو التعريف بنفسك لمعاينة هذه الصورة])

هتبعد عن حاجه اسمها دهون مشبعه نهائيا وطبعا مع الحفاظ علي الحصول علي الاحماض الدهنيه الاساسيه , (الدهون الغير مشبعه ) (اتكلمت قبل كده عنها وهتلاقي مواضيع بخصوصها علي الصفحه )

نيجي للتمرين

طبعا هتروح الجيم , تشيل الحديد كله وتتمرن بال 6 سعات (اوفر ترينينج)

وانت كل ده مفكر انك بتخس وماشي صح , او واحد يقولك خس الاول بعد كده روح شيل حديد , علي فكره ال 45 دقيقه بتوع الحديد بتحرق فيهم حوالي 500 سعر حراري وديه حاجه ممتازه ,

طب ياكوتش انا مش فاهم اعمل ايه , بوص يانجم , هتتمرن 3 ايام حديد و 3 ايام ايروبكس (تمارين قلبيه - سويدي - insinty - )

بس ال 3 ايام بتوع الحديد ميكونوش وري بعض وهكذا الايروبكس , يعني يوم حديد ويوم ايروبكس , (هتقولي كده مش هتمرن العضلات كلها في ال 3 ايام , لا , يوم هتاخد فيه العضلات الاماميه ويوم اخر العضلات الخلفيه ,)

التمرين هيبقي لمده 45 ل 60 دقيقه فقط , ده بالنسبه للحديد ,

الايروبكس : 20 ل 30 دقيقه مكثفه , ملحوظه الايروبكس المكثف , لو كملت 10 دقائق تبقي جامد

اخر حاجه بالنسبه لحوارق الدهون , ال ليبو 6 بلاك يستخدم فوق 21 سنه , في انواع اخري لتحت 18 وتحت 21 ,

الموضوع ده انت متعرفش قعدت فيه كام ساعه , علشان يطلع

توقيع : اسيرة قلبك

توقيع : zerguit

مؤضؤعع ججميل , ومفيد جددآ شكرآ جزيلآ لك , نتظر جديدك [ندعوك للتسجيل في المنتدى أو التعريف بنفسك لمعاينة هذه الصورة].

توقيع : ѕαα∂ ∂єѕιgη

[ندعوك للتسجيل في المنتدى أو التعريف بنفسك لمعاينة هذه الصورة] لشكوى على اعضاء فريق المنتدى هنا لشكوى على اعضاء المنتدى هنا لطلب تغيير الأسم هنا   [ندعوك للتسجيل في المنتدى أو التعريف بنفسك لمعاينة هذه الصورة]