عضو جديد
عدد المساهمات : 68
نقاطي : 162
السٌّمعَة : 0
دولتي :   |  موضوع: تابع 13  الإثنين 12 ديسمبر 2011, 9:04 pm | |
| *****************************
عائلة (( محمد عبد الله الـ.....)):
محمد : الأب متوفى من 3 سنوات ..
سعاد : الأم ربة منزل أمية ..
عبد الله : 29 سنة متزوج من بنت عمه وعنده بنتين ..
حنان : 28 سنه متزوجة واحد مو من العائلة وعندها ولد وبنتين ..
مشاعل : 26 سنة مطلقة تشتغل مدرسة في مدرسة أهلية ..
بندر : 24 سنة معاه شهادة ثانوي ويشتغل محاسب في مكتبة جرير ..
هاله : 22 سنة متخرجة من الثانوي وقاعدة في البيت ..
معاذ : 20 سنة يدرس تمريض في كلية متخصصة ..
أحلام : 15 سنة في المتوسط ..
********************************
عصر الخميس :
خرج جاسم من غرفته اللي في الدور الثاني على أصوات عالية جايته من الصالة العلوية ..
صرخت البندري : ما تحكمنا ستي أزهار ..
قالت الهنوف بهدوء : انتي ليش مكبرة الموضوع ؟؟ أزهار ما قالت لأبوية وأمي لاتخرجون ..
قالت البندري : مو حضرتها قالت ماني خارجة روحوا انتم عشان كذا بطلوا ..
طالع جاسم في أزهار اللي جالسة ببرود جنب العنود اللي تقلب في قنوات الدش وقال : اش فيكم أصواتكم مخترقة الجدران ؟؟..
قالت البندري بتأفف : أبوية بطل يتغدى برى بسبب أزهارو ..
قامت أزهار وقالت بحدة : أنا حرة ماأبغى أخرج ..
وراحت
للغرفة التي تشاركها مع الهنوف , قالت البندري ودمعتها على خدها : والله
حرام كله منها منحرمين من الخرجة , لنا كم ماخرجنا من البيت والله زهق ,
الكل يداريها ويطاوعها , اش ذنبنا ننحرم عشانها ..
سأل ببرود وضيق : وهي حضرتها ليش ماتبغى تخرج ؟؟
قالت
الهنوف بتردد بسبب لهجة أخوها : ما أدري , خرجت مرة وحده قبل أسبوعين وشوي
ورفضت بعدها تخرج وصراحة أمي قالت لاأحد يضغط عليها ..
بخطوات واسعة راح لغرفتهم وهو يقول : لا أحد يجي ..
دق الباب ودخل , لقيها جالسة على سريرها وهي حاضنة مخدتها , قال بلا مقدمات : قومي إلبسي بنخرج نتمشى ..
رفعت راسها وطالعت فيه بصدمة وقالت : يمه فجعتني ..
قال
بحزم وهو يحس بغيض غريب يجتاحه لأنه هذي البنت دخلت عرض في العايلة وقامت
تتحكم في الكل : قووووومي إلبسي , إنتي عارفة أبوية وأمي ماحيخرجون من دونك
وانك تحرمين الكل بسبب أنانيتك ..
وخرج وهو يصفق الباب بكل قوته, قال لأخواته: يلا إجهزوا بروح أكلم أبوية وأمي ..
نطت
البندري بفرح وراحت تجري عشان تلبس عبايتها , لفت العنود على الهنوف ونطت
من مكانها وراحت لأزهار لقيتها تلبس عبايتها بصمت , قالت العنود بضحكة :
عرف يقنعك ..
هزت أزهار راسها بدون ما تطالع فيها عشان ما تشوف الألم في عيونها ..
البيت
صار رجة من كثر ما البنات رايحات وجايات يجهزون لطلعة بر بعد المطعم اللي
بيتغدون فيه , نزلت أزهار لمن قالت العنود من تحت : أزهااااااااااااار
ترانا راكبين السيارة , بسرعة تعالي ..
وقفت قدام المراية وطالعت في
عبايتها المخصرة وطرحتها المطرزة بكلفة سوداء ناعمه زي التطريز الموجود على
الأكمام وآخر العباية , وتأملت عيونها من ورى اللثمة تنهدت بضيق و ماقدرت
تحرك رجولها من مكانها ..
: اش فيك ؟؟
رفعت راسها وطاااااالعت في
انعكاس صورة جاسم بصمت , كان قاعد يعدل شماغه لمن لاحظ إنها مازالت واقفه
وعيونها عليه , قال بجفاء : خييييير ..
سألته بشكل مفاجئ : عادي عندك أخرج كذه ؟؟
انصدم من سؤالها ومن نبرة صوتها الغريبة فقال : كييييييف ؟؟
نزلت
راسها على طول وقالت بحرقة : أحس نفسي غلط , مو معقولة هذا حجابي , يمكن
تقول عني مجنونة ولا مضروبة على دماغي لكن أنا متأكدة هذا مو حجابي , هذا
قلة حيا , صدري وخصري كلها باينه , أحس نفسي , أحس نفسي ......عريانه ..
ورفعت راسها وقالت بصوت مخنوق : الرجال كلهم كانوا يطالعون فيه المرة اللي فاتت ..
حس
ببروده تنخر عظمه لمن سمع كلماتها وزادت البروده لمن شاف عيونها غرقانه
دموع وهي تقول : جاسم الله يخليك والله متضايقة , ما أدري اش فيني , لا
تخليني أخرج كذا , والله حرام , أنا متأكدة إني ما كنت أخرج بهالعباية ,
أصلا بعيد عنها تكون عباية ..
ما عرف اش يقول , حس لسانه انربط , انعقد ,
حس بدمه يغلي جوة شرايينه من الخجل والقهر , كيف ما لاحظ و ما فكر من قبل
بشي زي كذا ؟؟ كيف سمح لأخواته بالخروج بزي هذا الحجاب اللي يحتقره على
البنات الثانيات ؟؟ كيف غفل عن هذا الشي ؟؟ ومين يجي ينبهه !!!! بنت غريبة
لقطوها من البحر ..
خرجهم من صمتهم صوت بوري السيارة , قال بعد ما تنحنح
عشان يصفي حنجرته المسدوده : البسي عليها طرحة عريضة إذا لقيتي وتعالي لأن
الكل برى يستنى , وبعدين يحلها حلال ..
هزت راسها بعناد وقالت بقوة غريبة : ماني خارجة كذا ..
قال بضيق لمن أزعجه صوت البوري : وإذا وعدتك أوديك محل العبايات تختارين العباية اللي تريحك ..
قالت بفرحة : والــــلــــه , الله لا يحرمني منك يا أحلى أخو في الدنيا ..
وراحت
جري لغرفة الملابس وهي تنادي على الشغاله , استند على الجدار وهو مو مصدق
اللي صار له ويضحك في نفس الوقت على (( أحلى أخو في الدنيا )) , غمض عيونه
وهو يحاول يوقف عقله عن الدوران في موضوع العباية وتحقق له هذا الشي لمن حس
بيدها تلمس كتفه , لف عليها بهدوء عشان ماتلا حظ صدمته , ابتسمت له وقالت
بصوت حلو : اش فيك جسومي ؟؟
عقد حواجبه لمن حس بنبض قلبه اللي ما يدري
ليش صاير يزيد بكثرة هذه الأيام وقال : أقول تراني أعطيتك وجه بزياده ,
انقلعي قدامي يلا ..
ضحكت وهي خارجة تلف الطرحة اللي جابتها ..
ركبت
سيارة أبوها وهو ركب سيارته ولحق بهم , راحوا لمطعم تغدوا فيه وبعدها راحوا
للبر لوحدهم لأنه جاسم راح لموعد مع أصحابه وجلسوا فيه إلى بعد العشاء
ورجعوا البيت وهم تعبانين ..
*************************** |
|
أحدث الصور
الخميس 21 نوفمبر 2024, 2:48 am 
