زى ما الولد لازم يحترم نفسه البنت كمان لازم تحترم نفسها

انا شايفه انه زى ما الولد لازم يحترم نفسه البنت كمان لازم تحترم نفسها و زى ما البنت بتقول للولد احترم نفسك لما بيعاكسها ولا بيضايقها ولا بيرمى كلام وحش وهيا ماشيه فى الشارع لازم تبص على نفسها الاول وتشوف هيا بتمشى ازاى وبتلبس ايه.. لحد امتى هنفضل نشوف المناظر الى بنشوفها؟؟؟
ولحد امتى هتطلع الموضه الى كل شويه بتضيق لبس المحجبات عشان الاستايل كده والموضه كده ؟؟؟
ولحد امتى مش هنعرف نفرق بين المحجبه والى مش محجبه ؟؟؟
انا شايفه ان البنت المحجبه وفى نفس الوقت لابسه بدى على بنطلون ضيق ولا لبس ضيق مبين جسمها بقت تثير الشباب اكتر من الى مش محجبه اصلا لانه الفكره فى اللغبطه والاختلاف حاجتين متناقضتين فى نفس الوقت
طيب انا ليا سؤال لكل البنات الى كده هوا انتى لابسه الحجاب ليه ؟؟
اكيد مش تدين مهو مفيش تدين بالشكل ده ولا ايه؟
لازم كلنا نعرف ان المشكله مش بس ولد بيعاكس بنت ولا بيتعرضلها فى الشارع لا المشكله متساويه بين فعل ورد فعل واحده لابسه بدى وبنطلون ضيق ومن فوق حجاب وواحد بيشوف ده قدامه وبيتلغبط بين لبسها وحجبها لازم نتحرك ونغير ده نغير اصل المشكله وغلط اوى اننا نقول ان حد غلطان على حساب حد تانى الاتنين زى بعض بيشتركو فى نفس الغلط بس فيه حد بيحرض عليه وفيه حد بيعمله..
قولو رايكم والى لازم يتعمل والى فى ايده حاجه ممكن يعملها يعملها الى بيصمم ملابس يصمم ملابس محجبات تكون على الموضه بس فى نفس الوقت متظهرش ولا تبين
والاب والاخ الى فى ايده مينزلش بنته ولا اخته بالشكل ده ويكون راجل بقى
والبنت الى فى ايدها تغير نظره اى واحد ليها ونظرت ربنا ليها قبل اى حد
والولد الى يشوف واحده قدامه بعد كل ده ماشيه بلبس محترم ميعكسهاش ولا يتعرضلها ويشوف فيها اخته وامه لازم التغيير ييجى من الاتنين مش بس نقول للراجل احترم نفسك لا لازم نقول للبنت انتى كمان احترمى نفسك

توقيع : MR.TITO