مش عايزة اتجوزك يبقى هدمرلك حياتك ؟؟!!

ياتك ؟؟!!

السلام عليكم ورحمة الله وبركاتة

ازيكم يا اخواتي اعضاء بنات مصر يارب تكونو بخير يارب

مش عايزة اتجوزك يبقى هدمرلك حياتك ايوة هدمرلها حياتها لو رفضوتو دا موضوعي النهاردة

بجد الموضوع دا زاد ويمكن يكون في ازدياد دلوقتي لما تاجي البنت ترفض شاب

يمكن مفيش قسمة او نصيب هو بقى يقول ازاي ترفضي يروح بقى دايركت

يشتري ( مية ناااااااااار ) عارفين اية مية نار اهي باينة من اسمها يعني زي النار

بعيد عنكم يروح بقى بعد ما ترفضو يقول لازم ادمرلها حياتها ازاي ترفضي

يشتري المية دي الي مش مكلمة حتى خمسة جنية مهي من كترها بقت رخيصة

يقوم يمشي او يرحلها البيت او اي مكان ويروح بقى يكب المية دي في وشها

بيركز على الوش عشان تنتهي وحياتها بجد تدمر وغير بقى الي بينزل من وشها

من المية على جسمها وشوفو بقى من جمال ربنا فيها يخليها الواحد مش قادر يبص

وشها من المنظر الفظيع دا كنت عايزة انزلكم الصور بتاعت الضحايا دول بس بجد

صور منقدرش نشوفها لانها بتكون متشوهة من المية دي مية النار الي بتتباع

بكل رخص والى اي حد ولا عليها ضوابط ولا حاجة ولا نيلة ...

زي ما بقلكم الحاجة دي بجد بقت تنتشر مش مرة ولا تنين دي اكتر من كدا

الشاب بقى يتمادى في الموضوع دا ال اية عشان رفضتو وميعرفش ان دا كلو

قسمة ونصيب بجد دلوقتي الي يحب وبعدين مفيش نصيب ورفضو يورح بقى

زي الشاطر يشتري مية النار ويكبها على الي رفضو ؟؟؟؟؟؟؟؟؟؟

يمكن الي بشوفو برنامج صبايا على المحور بيعرفو وشافو حلات زي كدة

سناء الي قربها رفضتو راح بكل رجولة يخبط الباب على بتهم وهي المسكينة

تفتح الباب تلاقي المية دي في وشها الافظع انو قربها

وفي غير سناء وبنات كتير بنات زنبها انها رفضت انسان يمكن مش كويس

و مش مناسب ليها و او غيرو بسبب كدا اتدمرت حياتها وشكلها الي ربنى خلقو

يعني الانسان دا بالتفكير السئ فية عشان وحدة رفضتو يكب عليها مية نار يا ناس

مية نااااااااااااار دي اسمها صعب معالك بقى بالي تتكب علية بجد بنشوف البنات دي

قلب الواحد بيتقطع عليهم ...

وال اية الي يعمل كدا ياخد 10 سنين بس سجن جميل والله يدمر حياة وشكل بنت

مدى الحياة وهو عشر سنين سجن بس ما تفوقو بالله عليكم ايه الي بيحصل في البلد دا

بجد حسبنا الله ونعم الوكيل في كل انسان بيعمل الجريمة الشنيعة دي

هيستفاد اية لما يدمر حياة وشكل بنت وهيا لسى في اول حياتها

وهو ازاي كنت بتحبها وعايزها مراتك وبعدين لما ترفضك تعمل كدا

بجد الموضوع دا زاد وفي حالة ازدياد وحسبي الله ونعم الوكيل في كل من يعمل كدا

عقابو هيكون في الدنيا و في الاخرة بقى هيكون اكتر لانو شوه خلقة ربنا عز وجل

وربنا يكون مع البنات دي ويشفيهم يااااااااااارب ويكرمهم ويعوضهم ان شاء الله

انا اسفة اني طولت عليكم بس بجد الواحد بقى مش عارف اية بقى بيحصل في البني ادم .................................................. .................................................. ........

دلوقتي لو حد رفض التاني هيفكر يعمل زي الناس دي ؟؟

ولو حبيبك سابك ورفضك ههتمنالو الخير ولا هتدعي علية انو رفضك ؟؟؟

حبيبك لما يسيبك هتشوة اسمو وتشوه حياتو لانو رفضك ولا هتعمل اية ؟؟؟

واية في نظرك العقاب المناسب لاي واحد يعمل كدا كفاية علية 10 سنين سجن ولا اية ؟؟

بجد اسفة لاني طولت بس ربنا مع كل البنات دي يااااااااااااارب

وربنا يبعد عنكم كل بنات واولاد الحرام والسوء ياااااارب ويحميكم ويحفظكم دايما لاهلكم

تحيـــــــــــــــــــــــــــــــــــاتي اختكم حسناء الشريف

توقيع : MR.TITO