معقولة ما تعرفون JWM


ترى ما كل الي متخرج من الخارج يعرف JWM يا حبيبي !!!!

*********************



كنا من زمان شله وحدة وحبايب في حارة وحده



المهم............تخرجنا من الثانوي.



كلهم كملو دراستهم بأمريكا وبريطانيا





وتخرجوا ورجعوا السلطنة ويشتغلو في شركات نفط وغيرها من الشركات الكبار فى مسقط .

إلا انا مسيكين جالس بينهم متخرج من كلية صغيرة وبعدنى موظف فى الحكومة وبواسطه بعده .
دائما لما نتلقى ونسهر رباعه ويسولفو ويضحكو وانا مدري ويش السالفه وعن أيش يتكلمو.

واذا سألتهم يردو علي مستغربين: 'معقولة ما تعرف؟'

حتى صرت استحي أسألهم.

وصرت اسوي نفسي فاهم وجالس معهم

اذا ضحكو ضحكت معهم

واذا استغربو استغربت معهم

المهم
مرة كانت سهران معهم

واسمع سوالفهم الماسخه

يقول واحد منهم: مدير الـ HR عندنا مغرور وشايف نفسه والمشكلة ان إدارتة لا تهش ولا تنش

يرد ثاني : ووين الـ MD؟ ما يتدخل بينكم؟

الآول : مشغول باجتماعات ما تنتهي مع الـ CEO. وحنّا متورطون مع جماعة الـ IT، ما نقدر نتكلم معهم ابد.

الثالث يشارك : أوه.. عاد هذيلا الناس دايمن مشغولين .. دايماً الـ KPI مالهم ضارب فوق.

الرابع : يا جماعة نحن ترى في 'الويك إند'.. تكلموا في شي ثاني.

أتنهد وأقول في نفسي: الحمد لله جاء دوري في الكلام وتوني ابأبدا ادخل بسوالف حلوه


ويطش واحد منهم: وش أخبار الـ DFM؟

الثاني : تعبان، عشان ال IPO الأخير جاء على غير المتوقع، وما ربحنا فيه ولا ريال

الأول : قلت لك أن هذا زمن العقارات والاراضي.

أقول في نفسي: العقارات؟ الحمد لله ذي اعرفها ....وتوني بقول الحديد رخص ونزل سعره والعقار بينهار والسميت بينزل سعره

طش واحد ثاني وسبقني وقال : شباب !!! ترى فيه فلل للإيجار في الـ JBR ؟

الثاني : طارت الطيور بأرزاقها.

قلت في نفسي ...زين ما قال TTB، طارت....الطيور ...بأرزاقها



قلت: ودروا العقارات وخلونا نتكلّم عن الزحمه في الشوارع .

قال واحد منهم: أمس اعوذ بالله كنت فى الخوير،مستحيل الواحد يمشي ب Rush hour وبدت الزحمة قدّام الردسن ساس.

وأنا كنت في طريقي للـ OHI وبقيت ساعتين في زحمة الشارع


يخلص الكلام عن الزحمه، ,ويزعق واحد منهم ويسألني ويقول:

وش سويت....ليش ما تاخذ الماستر' في الـ MBA؟

أقول في نفسي: أكيد أنه يقصد 'الماستر كي' ....بس غريبة.....وش دخل ...
المفاتيح بالموضوع بس تداركت الوضع بسرعة وحسيت ان ما مفاتيح واني ضايع في
هالمعمهة......وما عرفت ارد

ورديت بسرعة : ما اقدر .


رد ثالث : ما تقدر ؟؟؟؟ ليش- كم كان الـGPA مالك؟



يا ربي تو هذا أيش يقصد ............قلت أحسن أرد باي شئ وأسكته


أرد عليهم : ما اذكروالله، بس انه 'أوتوماتيكي'.

يضحك ويصقعو كلهم من الضحك ويحسبوني أمزح. ويوم جا وقت العشا يقولون:

- كيف شباب نروح مطعم هندي..ولا إيراني.. ولا شامي.. قال واحد يا جماعة اشتقنا إلى الـ KFC.

كلهم وافقوا ويشوفوا علي و ينتظروني أقول شئ



قلت: أنا باروح للبيت وأنتم روحوا للـ JWM.

قالوا: وشهوا هذا JWM!!


قلت : 'معقولة ما تعرفون JWM ؟'

ورحت عنهم ولا خبرتهم ويش هو !!!!!!!!!!!!!!!!!!



شرح الاختصارات:

HR: الموارد البشرية.. MD: المدير التنفيذي... CEO: الرئيس التنفيذي... IT:
تقنية المعلومات... KPI: مقياس مؤشر الأداء... OHI: محذوف من الرقابة...
IPO: الاكتتاب... JBR: جميرا بيتش ريزدنس... ... ... GPA: المعدل
التراكمي... MBA الماجستير في إدارة الأعمال KFC: كنتاكي...





أما


JWM: جهنم وبئس المصير.


تحياتي لكم [ندعوك للتسجيل في المنتدى أو التعريف بنفسك لمعاينة هذه الصورة]

توقيع : Professor

[ندعوك للتسجيل في المنتدى أو التعريف بنفسك لمعاينة هذه الصورة] لشكوى على اعضاء فريق المنتدى هنا لشكوى على اعضاء المنتدى هنا لطلب تغيير الأسم هنا   [ندعوك للتسجيل في المنتدى أو التعريف بنفسك لمعاينة هذه الصورة]

شكراااااا على الموضوع المميز
جزاك الله كل الخيرات
ننتظر المزيد من ابداعاتك
لا تحرمنا من جديدك دائما
مبدع ومميز

توقيع : مضيع الطريق

شكرا جزيلا

توقيع : C L A S S I C

سلمت الانامل الذهبيه

لما خطته لنا من عبارات

وحروف قمه في الجمال

وروعة الاحساس الصادق

دمتِ بود [ندعوك للتسجيل في المنتدى أو التعريف بنفسك لمعاينة هذه الصورة]

توقيع : ѕαα∂ ∂єѕιgη

[ندعوك للتسجيل في المنتدى أو التعريف بنفسك لمعاينة هذه الصورة] لشكوى على اعضاء فريق المنتدى هنا لشكوى على اعضاء المنتدى هنا لطلب تغيير الأسم هنا   [ندعوك للتسجيل في المنتدى أو التعريف بنفسك لمعاينة هذه الصورة]